monumenta.ch > Hieronymus > ad Hebraeos,2519 > ad Hebraeos,3707 > sectio 1 > 194 > ad Hebraeos,2790 > sectio 2 > sectio 7 > uwbM.p.th.f.68.114 > 4 > csg75.840 > sectio 8 > 103 > bsbClm6224.246 > sectio 22 > sectio 11 > csg51.29 > bnf9389.300 > 10 > sectio 24 > csg251.131 > bsbClm6224.53 > sectio 63 > sectio 61 > csg68.404 > sectio 4

Word Selection for Searching

Report an Error in this Sectio
Seneca Maior, Controversiae, 7, 2, 4
TRIARI. Praesta Ciceroni quod propinqui Catilinae, quod amici Verris praestiterunt: proscriptum transi. Ne a mortuo quidem manus abstinet: lacerat occisum. Popilli, hoc parricidium tertium tuum est. POMPEI SILONIS. Numquid magis exonerare te possum? praesta Ciceroni quod Antonius. CORNELI HISPANI. Dic: Antoni, ego istud scelus facere possum: et patrem occidi. Securi erant amici Ciceronis, postquam ad illum Popillius missus est. ARELLI FUSCI patris. Potuisti Ciceronem occidere? at quam nobis paene persuaserat Cicero parricidium te facere non posse! Occidisti tu Ciceronem loquentem: 'numquid', inquit, 'est aliquis ex tuis verendus index? an nemo Ciceroni timendus est, qui cum Popillio venit?'